最近收咗個新症。最開始嘅時候，係喺一間為特殊需要兒童提供密集式訓練嘅中心見佢嘅。第一次見他，是半個鐘的評估，評估嘅結果係語言遲緩。理解能力及表達能力都好弱，以下是評估的總結：
• 基本及背景資料：男；3;00；CAC評估為語言遲緩，就讀主流幼稚園，廣東話為母語； • 理解方面：未能跟從一元素指令；未能明白「A-not-A」問題、兩選一問題、「乜嘢」問題及「邊個」問題；未能明白「有」、「冇」及「啱」、「唔啱」槪念； • 表達方面：主要以動作及發聲作表達，未有運用有意思嘅字。 • 語用方面：能模仿動作；能要求物件；能要求協助；能對熟悉的人打招呼； • 發音方面：能發的音：/a, h/；能模仿的音：/m/；能模仿音節結構：CV, VC, CVC, VV。 • 其他方面：專注力較弱；建議轉介職業治療進行感覺統合能力評估。
做完評估之後，我認為佢係一般嘅語言遲緩，所以我就為佢訂立一啲語言理解及表達嘅目標喇。呢個小朋友，我兩星期見佢一次，每次30分鐘（註：呢間密集訓練中心嘅小朋友每個月都有兩堂半個鐘嘅言語治療同兩堂職業治療嘅）。由於上堂時間唔算長，密度亦唔算高，所以我為佢訂立以下嘅三個月的短期目標：
1. 能運用單音或單字作不同的表達，如要求物件、回答問題； 2. 能理解簡單「啱/唔啱」槪念 3. 掌握基本元音（/i/, /u/, /o/ ）、複元音（/ai/）及前輔音 （/b/）。
後來，喺治療嘅過程，我觀察到：
第一，小朋友喺模仿合咀聲母（/m/, /b/）嘅時候，好多時都會變成舌根聲母（/g/）； 模仿元音/o/嘅時候，會加入聲母變成/ho/。留意到呢啲情況之後，我諗會否係口腔器官感知能力有問題？之後就同佢做咗一啲口部肌肉感知能力嘅檢查，再做一啲下顎、咀唇及舌頭活動能力嘅檢查。口部肌肉感知能力並無異樣，但發現小朋友可能有口肌失用症(oral apraxia)。
第二，小朋友掌握雙元音非常快，但如果在雙元音前加入聲母，就會出現明顯嘅困難，錯誤會變成CV 或 VV。另外，小朋友對於發出雙音節的字詞有明顯困難，會出現syllable deletion 或 addition，如「拜拜」，變成[bai]或[bai ba ba]。可見小朋友排序能力較弱，特別在音節(syllable) 及音節結構(syllable structure) 層面上。
在以上兩點觀察中，得知小朋友的排序能力較弱，加上可能有口肌失用症，這個小朋友有可能患有CAS。在這個假設下，我進一步跟小朋友進行DDK測試，希望得到更多有關排序能力的資料。這次我運用了小朋友已掌握的syllable structure 、聲母及元音設計我的stimuli。結果，他在重覆說出/mamami/ 時，速度明顯比/mamama/慢，而且錯誤亦較多，當中亦有addition error。
由於CAS 同一般發音障礙好大不同，要診斷CAS需要很多時間收集很多資料，及排除不同的可能性。以上例子，希望可以幫到ST諗如果見到類似嘅小朋友，應該做啲咩去確認診斷及計劃治療。若有任何想討論的地方，歡迎留言或inbox。
P.S.: 這個小朋友有明顯的聲調錯誤(tone error)，你們的CAS小朋友聲調表現如何？
Comments